Skip to content

Расчекор – Зинка Трендовска

  • by

Во мислите ми доаѓаат зборови,

се препелкаат, движат,

се тркалаат во утробата

чиниш ќе ми ја искорнат

мислата на поминување

и пак ќе има недоумици,

Ќе бидам ли истата јас.

Времиња немирни,

желби растргнати и неорганизирани,

ќе може ли да стигнам во очекувањата

без зародиш на нови посакувања,

ќе ги остварам ли побарувањата

за нови јатки на минувања

во рачекор со секојдневието.

Остануваат мислите недоречени,

посакувањата ненадојдени,

а се р’тат во утрината

и нови размислувања

на старите и нови збиднувања

што треба или не да ги имам.

Ќе побарам расплет на овој расчекор

за да ја создадам новата јас.

Автор:
Зинка Трендовска

Напишете коментар