Skip to content

Моите сништа – Софија Ичкова

Секоја вечер…

Како мали прстиња ми ја скокоткате душата…

дали сте тоа вие,

дојдовте и оваа вечер,

да си направите место во моево срце

и да го испратите денот што ќе преспие?

Секоја вечер…

Ве гледам секоја вечер,

како лесно го подигате срцево тешко преполно со вас,

и како лесно наоѓате место за уште еднаш…

па уште еднаш…

па уште еднаш…

Секоја вечер…

Секоја вечер го чекам крајот и на денешниот ден

еден од многуте во оваа волшебна низ

за да ве пречекам,

за да ве видам

и да ви покажам уште колку ве имам.

Секоја вечер

Секоја вечер е рано, а времево тешко

и местово ме здроби и сè ми зеде

но ќе ве има, и ќе ме има

баш тука во мене..

…. во мене

Секоја вечер…

Се молам секоја вечер о Боже,

се молам секој ден

чувај ги тие прстиња мали

и дај им сила за да ми дојдат

уште еден ден…

и уште еден…и уште еден…

Автор:
Софија Ичкова I-2
СОУ „Богданци“ – Богданци
Ментор: Ивана Димовска

Напишете коментар