Ноќ што нема да се случи
Од огнот што не се разгорува
Ќе се стори пепел.
Ноќ во која сонот не стига
Она што те држи буден
Ќе те поседува.
Ноќ што ќе ја паметиш
Онаа една неповторлива
Ќе сакаш да ти се случи.
Не сме создадени за таква
Оладени и будни,
Ќе сонуваме разделени.
Шепотот на старата песна
Толку гласен е,
Од далеку се слуша
Носи
Еден куп спомени.
Молкот струи во воздухот
Атомите во него се борат
Дали ќе вреди борбата?
Ако се бориш веќе
Си победил
Евентуално си губитник
Само ако се откажеш.
Лицето го допираш на перница
Утрото секогаш ќе те
Чека
И нов ден пак ќе се роди.
Н.Н
Блогирањето е важен дел од нејзиниот живот. Кафе, книги и музика ѝ се вечна љубов.