Skip to content

Spleen – Пол Верлен

Споделуваме прекрасна мелодична песна од францускиот поет Пол Верлен. Верлен, кој има капитална улога во француската и светската поезија дал голем придонес за слободата на стихот. Тој за време на својот живот бил прогласен за „принц на поетите“ во Франција, и оваа почесна титула ја носи и денес.

Се надеваме дека ќе уживате во оваа чиста и чувствителна музика преточена во песна.

Розете сите црвени ни беа

A бршлените црни, како мрак.

Мила, од секој твој гест и смеа

Сомнежите никнат во мене пак.

Сводот беше син и бистар,

Морето зелено, а ветрот тих.

Се плашам – од една мисла иста –

Дека еднаш ќе ми побегнеш ти.

О, смачено ми е мене веќе

Од сето зеленило и листен сјај,

И од видикот в бескрај што демне,

И од сѐ, но не од Тебе, знај!

Напишете коментар