Skip to content

Внатрешниот мир доаѓа кога вашето срце ќе прости, а вашиот ум ќе заборави

Животот е непредвидлив, тој е суров на моменти и има моќ да нè повреди и да нè разниша до срж. Но, ако сакаме нашата душа да биде смирена и да најдеме мир, мора да им простиме на оние што нè повредуваат. Мора умот да заборави, а срцето да прости. Понекогаш е многу тешко да се пронајде внатрешниот мир. Ви претставуваме добри причини зошто да почнете да живеете во сегашноста и сето она што ве повредува да го оставите во минатото.

Ништо не треае вечно

Добри времиња, лоши времиња … сите ќе поминат. Ако се случи нешто лошо, знајте дека нема да трае долго. Ако нешто добро се случи, исто така, знајте дека ќе помине порано или подоцна. Сè е минливо, сè постојано се менува. Ништо не е трајно и ништо не е сигурно. Затоа, не вреди да имате незадоволство и лутина во срцето. Мора да го пуштите тоа и да уживате во сегашноста, бидејќи само тој момент е во вашите раце.

Не дозволувајте минатото да ја обликува вашата сегашност и иднина

Минатото не треба да има моќ над вас. Што и да се случило, се случило. Треба да живеете само во моментот затоа што сегашноста е сè што имате. Значи, не грижете се за вашето минато затоа што го нема и вашата иднина затоа што е неизвесна. Искусете го секој момент со сите сетила и ослободете се со простување на секој што ви згрешил.

Имате сè што треба да бидете среќни

Бидете благодарни за сè што имате. Веќе имате сè што ви треба за да бидете среќни и исполнети. Значи, не ги трујте срцето и душата со горчина и незадоволство. Простете им на оние што ви нанеле болка во животот и продолжете понатаму.

Не можете да контролирате сè што се случува

Обидот да ги контролирате работите над кои немате контрола е само губење на вашето драгоцено време. Плус, ќе се чувствувате многу подобро кога ќе престанете да се грижите за работи за кои не е потребно вашето внимание.

Прочитајте повеќе позитивна психологија и за тоа како може да се ослободите од трауматичните искуства и проблематичното минато: Секогаш може да се почне од почеток – тоа е силата на секој човек!

Напишете коментар