Skip to content

Цитати за децата кажани од мудри луѓе, по повод светската недела на детето

Децата се најубав дар, продолжеток на вашиот род, нешто што ќе остане и после вас. Тие не се само спој на вашите гени и наследни карактеристики, туку многу повеќе од ова. На блогот имаме посебно катче коешто им е посветено токму на најмалите, но и на родителите.

Во чест на светската недела на детето (која годинава официјално ќе се означи од 26 октомври до 1 ноември според Google), ги споделуваме овие цитати што се однесуваат на сите деца.

Прочитајте ги во продолжение!

„Малите деца не ти даваат да спиеш, големите да дишеш.“ – Руска поговорка

„Ако ги решите сите проблеми од своите деца тогаш тие нема да имаат други проблем освен вас.“ – Душан Радовиќ

„Учете го вашето дете на наука, не со сила туку со игра.“ – Платон

„Очекувај го од своите деца во староста она што сам го правеше од својот татко.“ – Питагора

„Првите солзи на детето се молба, ако не ги спречите ќе станат наредби.“ – Русо

„Децата наоѓаат сè во ништо, а луѓето ништо во сè.“ – Џ. Леопарди

„Паметните родители им дозволуваат на своите деца некогаш и да згрешат.“ – Ганди

„Децата и часовниците не смеат непрекинато да се навиваат. Вреди да ги пуштите и да одат.“ – Ж.П. Сартр

„Од памтивек, синовите се помалку разумни од татковци, но за среќа синовите стануваат разумни штом станат татковци.“ – Меша Селимовиќ

„Кој ќе го научи детето да се задоволи со малку му остава повеќе од богатство.“ – Германска поговорка

„Човекот сака од секого да е подобар, но полош од сопственото дете.“ – Српска поговорка

„Оној што живее без деца, не знае за жалост, кој умира без деца, не знае за радост.“ – Германска поговорка

„До петтата година детето е твој господар, до десетта твој слуга, од десетта до петнаесетта твој таен сојузник, а потоа станува твој пријател или твој непријател.“ – Германска поговорка

„Кој нема грижи, нека го ожени синот.“ – Финска поговорка

„Блазе на бабите и дедовците кои имаат внуци, тешко нас кои имаме деца.“ – Душан Радовиќ

„Има многу сиромашни меѓу нашите деца кои нивните родители освен пари ништо друго не можеле да им дадат.“ – Душан Радовиќ

„Родителите се запрепастени кога ќе слушнат дека децата им се дрогираат. Не можат да веруваат. Кога последен пат ги виделе, не се дрогирале.“ – Душан Радовиќ

„Од децата можете многу да научите. На пример колкаво е вашето трпение.“ – Данте Алигиери

„Децата се единствен облик на бесмртност во која можеме да бидеме сигурни.“ – Питер Устинов

„Јас имам многу цвеќиња“, рекол, „но најубави цвеќиња се децата.“ – Оскар Вајлд

„Сонливо дете е најубавата работа на светот, тоа е најнежна глетка која можат да ја гледаат човечките очи.“ – С.С

„Кога сакаш да дознаеш дали некоја особа во твојата близина е достојна за верување, најпрво види како некое дете гледа на нејзе.“ – Паоло Коелјо

„Децата за сите луѓе се нивниот живот.“ – Еврипид

„Само децата што не слушаат можат да станат подобри од своите родители.“ – Душан Радовиќ

„Дајте му на детето насмевка, тоа ќе ви ја даде душата.“ – Доситеј Обрадовиќ

„Најголемиот човек секогаш останува дете.“ – Ј.В. Гете

„Во децата се обновува и чисти реката на човештвото.“ – Иво Андриќ

„Децата никогаш не се добри во слушање, но секогаш се добри во имитирање.“ – Џејмс Болдвин

„Дознаваме колку малку знаеме тогаш кога дете ќе почне да ни поставува прашања.“ – Ричард Л. Еванс

Постојат триста патишта да се напушти детството. Но само на ретките им текнува да останат вечно дете.“ Мирослав М. Антиќ

„Секое дете е уметник. Проблем е да се остане уметник после растење.“ – Пабло Пикасо

„Наједноставните прошетки во летните вечери со мојот татко, додека бев дете, за мене направија чудо кога пораснав.“ – Енди Руни

„Едно дете може да го научи возрасниот на три работи: да биде задоволен без причина, секогаш да се занимава со нешто и со сите сили да го бара она што го сака.“ – Паоло Коелјо

„Мојот татко ми го даде најдобриот дар кој можеш да го дадеш некому – веруваше во мене!“ – Џим Валвано

„Мама ми се насмевна. Нејзината насмевка на некој начин ме прегрна.“ – Р. Џ Паласио

„Семејството е едно ремек-дело на природата!“ – Џорџ Сантајана

„Детските игри не се само игри, тие треба да се набљудуваат со сериозна детска активност.“ – Мишел де Моњтен

„Не гледајте на детето како да е некоја драгоценост, туку трудете се тоа да постане.“ – Питер Р.

„Каде што се децата, таму е и златното време!“ – Новалис

„Душата се лекува кога сте меѓу децата.“ – Ф.М Достоевски

„Еден татко вреди повеќе од сто учители! – Џорџ Херберт

„Жените нè прават поети, а децата филозофи!“ – Томас Честертон

„Не постои начин да станете совршена мајка, но постојат милион начини да бидете добра мајка!“ Џил Черчил

Прочитајте ги и следниве цитати за животот, љубовта и сонот од Марина Цветаева.

Напишете коментар