„Врба“ на Милчо Манчевски, заедно со Мариово и Трескавец е во трка за наградата: Најдобра филмска локација во Европа.
Оваа награда инаку ја доделува Европската мрежа на филмски комисии, а Прилепскиот крај влезе во петте финални опции, во конкуренција од 28 земји.
Продуцентот на „Врба“, Јане Ќортошев во преставувањето на финалистот „Врба“вели: „Локацијата е апсолутно лик во приказната, така е во сите филмови на Манчевски. Има два вида динамика за тоа како употребата на локациите се доживува од публиката – македонската публика се гордее со неговите филмови и ги доживува дури и како дел од националниот идентитет. Публиката во странство ги гледа филмовите на Манчевски–и локациите–како претставување на оваа мала земја, но исто така и како нешто универзално“.
Гласањето на официјалната страната на Европската мрежа на филмски комисии ќе биде отворена, а тоа ќе трае до 12.1.2021 година.
„Врба“ е македонскиот кандидат за Оскар за 2021 година.
Од продукцијата соопштиле: „За една година од светската премиера на Римскиот филмски фестивал, „Врба“ освои вкупно пет трофеи, постигна рекорди во кино и ТВ-прикажувањето дома, доби одлични критики во светските медиуми, над 20 фестивали на четири континенти, а филмот го продолжува фестивалскиот поход со несмалено темпо што времено беше запрено поради пандемијата“.
Во конкуренција за оваа награда покрај „Врба“ се и Банска Штјавница од словачкиот филм „Дракула“,„Курон“, замокот Моритсбург од германскиот филм „Ангелите на Чарли“, Езерото Резија близу Курон од италијанскиот филм, црквата Пажаисли и манастирскиот комплекс околу неа во Литванија од филмот „Катерина Велика“.
Прочитајте и за мега-популарната мини-серија „Дамски Гамбит“ која постави нови рекорди набрзо после емитувањето на Нетфликс.
