Skip to content

Поучна приказна: Мајсторот и завртката

Во една фабрика имало ненадејно исклучување на производствената линија поради дефект на машината. Лидерите итно свикале состанок за да најдат решение, бидејќи без главната машина ќе изгубеле милиони. Било одлучено итно да се повика инженер кој бил најголем експерт за ваков вид машини. Тие го замолиле да појде што е можно побрзо и да го реши нивниот проблем.

Истиот ден, инженерот пристигнал и ја поправил машината за многу кратко време.

Набргу потоа, сметката од инженерот за извршените услуги достигнала 15 000 долари. Гледајќи толку голема сума, директорот го повикал менаџерот за производство да му објасни како инженерот ја извршил поправката. Менаџерот на производството му рекол дека инженерот, откако ја прегледал опремата, извадил обичен шрафцигер и свртел еден шраф. Во тој момент, производната линија започна повторно да работи.

И покрај фактот дека дефектот бил отстранет за краток временски период, директорот сметал дека инженерот ја искористил ситуацијата во која се наоѓале. Барал премногу за работата што ја завршил. Директорот побарал да разговара со него по телефон.

Кога директорот го повикал, инженерот внимателно слушал, а потоа мирно ја објаснил пресметката на сметката што ја испратил:

„Пресметката е прилично едноставна, господине. Јас наплатив 1 долар за да ја свртам завртката. А, за да знам која завртка да ја свртам, наплатив 14.999 долари.“

Денес премногу вработени се жалат дека се помалку платени на местата каде што се вработени. Да, некои од нив поминуваат многу време на работа. Тие сметаат, како и директорот на фабриката од приказната, дека другата страна ја користи ситуацијата на пазарот на трудот и им плаќа премалку.

Ако и вие сте во таква ситуација добро прочитајте ја приказната. Утврдете кој дел од сметката на инженерот му ја издавате на вашиот работодавец. Дали наплатувате за навртување или дали се експертите кои знаат која завртка да се сврти? Дали сте се здобиле со ретки знаења и вештини кои го заштедуваат работодавачот или заработуваат многу пари, или дали работодавачот може да најде замена за вас во рок од пет минути?

Во зависност од одговорите на прашањата, лесно може да се заклучи дали треба да ви бидат исплатени 1 или 14.999 долари.

Затоа не бидете завртката, туку мајсторот.

Бидејќи завртките се затегнуваат.

А мајсторите се плаќаат.

Прочитајте ја поучната приказна: Две добри дела.

Напишете коментар