Жири комисијата составена од Оливера Николова, Зоран Анчевски, Калина Малеска, Живко Гроздановски и Катерина Богоева – претставничка на Фондацијата „Славко Јаневски“ ја направија втората селекција на пристигнатите романи кои влегоа во потесен круг.
Во втора селекција во трка за наградата „Роман на годината“ се следниве романи: „Лето во кое те нема“ на Петар Андоновски, „Или – Или“, „Шрапнел“ од Игор Анѓелков, „Или – Или“ и „Суво мастило“ на авторот Владимир Илиевски, „Македоника литера“, „Скриени желби, немирни патувања“, Владимир Јанковски, „Антолог“, „Ши“, Сашо Кокаланов, „Или – Или“, „Сфинга на гневот“, Жарко Кујунџиски, „Антолог“, „Фантомско стапало“, Блаже Миневски, „Матица македонска“, „На враќање“, Фросина Пармаковска, „Или-Или“ и „Куќа над брановите“, Билјана С. Црвенковска, „Чудна шума“.
На годинашниот конкурс пристигнаа вкупно 41 роман, а жири-комисијата во првата селекција одбра 18 наслови.
Наградата „Роман на годината“, ја доделува Фондацијата за унапредување и промоција на културните вредности „Славко Јаневски“. Наградата се состои во паричен износ од 150.000 денари, плакета и оригинална статуетка.
Жири-комисијата треба да го соопшти добитникот на наградата најдоцна до 15 март.
Наградата „Роман на годината“ годинава се доделува по 22 пат.
