Skip to content

Тефтер

Отвори го и затвори го листот преплавен со море

Од имиња кои се натопени од крв

Насобрани, напласнати , стегнати со обрач

Без воздух, желба за победа или двојна смрт.

 

Чувај го за навек да биде спомен за даночен влог

Закопај го во витрините на безвремието

Ќе го најдат еден ден луѓето кои одат по течението

На реката на слободата.

 

Ќе ги впијат спомените во својата крв

За да ја отворат самобитноста на постоењето

Ќе ги пронајдат стеблата на предците

Кои живуркале под јужното сонце.

Напишете коментар