Skip to content

Избор поезија: „Денови“ од Иња Лиснањска

Ина Лисњанска (24.6.1928 – 12.3.2014) – руска поетеса. Почнала да пишува поезија уште на средношколска возраст. Студирала на Бакинскиот универзитет. Од 1948 објавувала сопствени песни и преводи до азербејџанската поезија. Првата збирка песни „Тоа ми се случи мене“ ја објавила во Баку во 1957 година.

Прочитајте ја во продолжение поезијата насловена „Денови“. Препев од руски на македонски јазик: Тања Урошевиќ

Денови

Зошто, застанат на излезните скали,
Веќе три или четири часа
Чизмата со мека крпа ја трие и ја гали
Мојот тивок сосед без никаде да вјаса?

Зошто во заедничкиот стан, тој пекол,
Каде што се испеани сите наши песни,
Папагал го извикува, како прекор,
Називот на централниот весник?

Зошто претседателот на куќниот совет
Го навил будилникот во осум да ѕвони,
Го ставил во фрижидерот и, глуп како овен,
Се задушил во плакарот, така, сѐ уште сонлив?

Како сништа се струполуваа дните,
Но во сето тоа редот врвно место земал
И, покрај безумството на сиот тој вител,
Никаква загатка во сето тоа нема.

Од збирката „Дванаесет руски поети“ (во избор на Екатерина Турчанинова)

Напишете коментар