Skip to content

Осум планети – Сузана Мицева

  • by

Осум планети
весело си кружат,
околу Сонцето
секој ден се дружат.

Ако сакаш
и ти да ги видиш
со вселенски брод
треба да се движиш.

Најблиску до Сонцето е
планетата Меркур,
а по неа, Венера,
тоа го знае секој.

Трета по ред е планетата
Земја – домот убав наш,
а на четврто место
кружи планетата Марс.

Најголемата од сите,
и петта по ред  –
е планетата со
име – Јупитер!

По Јупитер,
Сатурн е, знај,
но за Сoнчевиот систем
тоа не е крај.

Уран е следна,
на патеката број седум.
А Нептун е осма,
на последното место.

Осум планети
околу Сонцето се дружат,
ајде сега кажи ти
по кој ред си кружат!

Напишете коментар