Skip to content

Песна – Јовица Тасевски – Етернијан

(накит)

Каде ли е сега,
ќе се појави ли од некаде
мојата љубена,
да ме поттикне повторно
да вдишам длабоко
и пак да посегнам
по камчињата
што едни ги расфрлаат,
а други ги клоцаат,
па внимателно да ги исчистам,
да ги изделкам излишностите,
да ги избрусам
и од нив накит да создадам
достоен за ведрите и мудри
благороднички

Извадок од збирката „Исход“.

Напишете коментар