Бистра вода.
Валкани мисли и перверзна фантазија.
Чиста постела.
Темна душа и гнасна совест.
Свеж воздух.
Задушливи простории и чад.
Капка солза.
Матна вода.
Лаги и измами.
Сончево утро.
Мрак во срце.
Светла ноќ.
Згасната желба.
Точен часовник.
Задоцнета средба.
Вистинска лага.
Лажна вистина.
Совршено време.
Несовршени луѓе.
Брз ритам.
Спори чекори.
Јасна слика.
Заматен видик.
Добри шанси.
Пропуштени можности.
Здрав живот.
Лош квалитет.
Јасни намери.
Нечесни постапки.
Нестрплива трпеливост.
Трпелива нетрпеливост.
Бавни чекори.
Брзи мисли.
Уште побрзи јазици.
Горка вистина.
Слатка лага.
Железен збор.
Скапан изговор.
Неисполнето ветување.
Исполнета разочараност.
Скапа грешка.
Евтина поука.
Животен тест.
Тест на животот.
Гладна љубопитност.
Сита незаинтересираност.
И вака до бескрај.
Нахрани ја љубопитноста.
Испразни ја нетрпеливоста.
Не ја мати водата.
Согледај ја поуката
и ако разбереш – ќе сфатиш.
*Аудио снимка: Soundcloud
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.