Колумни

VOX POPULI

acv_logo

Мора да се слушне, мора да се уважи, зошто останува само ехо, една музика на која никој не може да ѝ го чуе звукот. Ако не се слушнеш, не прекинувај да зборуваш, делата нека бидат погласни од твојот глас…Ако никој не го уважува твојот глас, не молчи, бори се.
Твојот глас еден од низата останати, ако се спојат го создаваат гласот на народот, а верувај тој е најгласен. Еден збор можеби нема да отвори железна врата, ама илјадници гласови споени можат да скршат уште толку врати. Не се плаши да го кажеш тоа што го мислиш, барем имаш свое мислење и размислуваш со своја глава. Не се плаши дека ќе останеш нечуен, твојот глас ќе стигне токму на вистинското место баш во право време.
Силата која ја поседува е суштинска, а ти ја контролираш таа сила и е во твои раце!
Не дозволувај никој да ти ја одземе, не ја губи контролата!
VOX POPULI е најголемата „моќ“ што ја имаат човечките суштества, впрочем без користење на гласот ние би биле никој и ништо. Би биле нешто доколку наместо за омраза и клеветење, гласот би се употребувал за повисоки цели, а тие цели се менуваат со текот на времето, а пак остануваат исти. Потрагата по среќа и подобар живот постои уште од антички времиња, а денес сето тоа е измешано, па се трага по пари и богатство мислејќи дека тоа го прави животот подобар, а кутрите не знаат дека тоа е најголемата грешка..
Трагајќи по нив, подзабораваат на скромноста, културата, чесноста, почитта, вредноста на малите нешта и ситниците кои ти го прават денот поубав.
Каде брзате и каде сте залутале без да се слушне вашиот глас и да подзастанете да чуете туѓ?
Каде ќе стигнете ако брзате и постојано се грижите?
Каде со грижите кога нема да ве одведат никаде?

Similar Posts

Напишете коментар

Вашата адреса за е-пошта нема да биде објавена. Задолжителните полиња се означени со *

WP Twitter Auto Publish Powered By : XYZScripts.com
Крајбрежје