Поезија

Бадеми и цели светови

Носиш бадеми и во нив светови
како два украси и бели бисери,
како огледало во кое себе си се гледаш,
како сенка од која нема кај да бегаш.

Носиш бадеми и во нив светови
цели тајни скриени и недопишани романи,
цели вистини недоречени и зборови неискажани
цели надежи собрани и неостварени желби.

Носиш бадеми и во нив светови
како два ѓердани лицето ти го украсиле
и во нив сета тага што те тишти ја скриле,
та чиниш се насмевнале за да не те издадат,
та светкаат како да ќе те заслепат.

Носиш бадеми и во нив светови
што во нив сите убавини се збрале,
што во нив илјадници слики заспале,
што во нив многу се загледале,
што нив малку ги преболеле.

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје