Рецитали

Најтажната песна на светот – Наталија Наумовска (рецитал)

Душава што ја пее и убива
оваа тага во себе што ја сокрива,
и темнина што ја покрива,
и пак наутро во весела се преоблекува.
Ноти што не се свират,
в срце длабоко продираат,
оган и вулкан запалуваат,
ноти што не се допеваат.
Душава што пее, никој не испеал,
скромни песни од солзи и чемер
со јад и немир збрани во исти кавал,
со тивок крик и
солза се завеала.
Ноти што не се свират,
во заборав не паѓаат
оти спомени се како лузни
што срце параат.
Душава што пее, никој нема да запее
и кога новото сонце ќе огрее,
и кога во пепел ќе се престориме
од песната најтажна, ќе се опростиме.
Ноти што не се свират,
не ги погаѓаат сите,
и кога низ магла ти минуваат дните,
запеј една, длабоко од душата,
нека е најтажната,
таква песна не слушнал секој.

alone-sad-photos-24

Similar Posts

Напишете коментар

Вашата адреса за е-пошта нема да биде објавена. Задолжителните полиња се означени со *

WP Twitter Auto Publish Powered By : XYZScripts.com
Крајбрежје