Ако

Ако некогаш се сетиш на мојот глас

Нека биде тоа радост, а не плач

Ако некогаш се сетиш на моето име

Тоа нека биде вечност, а не заборав

Ако некогаш се сетиш на моите очи

Тоа нека биде сјај, а не темнина

Ако некогаш се сетиш на мојата немилосрдност

Тоа нека биде прифаќање, а не страв

Ако некогаш го изустиш моето име

Тоа нека биде спомен, а не болка,

Ако некогаш погледнеш туѓа насмевка

Сети се на мојата и не заборавај

Дека те сакам

И дека соништата на љубовта траат вечно

Како и нашиот.