Спомен

И ќе се престори,
ново утро штом осамне
ќе остане во сеќавање
како спомен.

И ќе се појави,
штом ноќта се спушти
тивко, полека на прозор твој
во мисли
како спомен.

И ќе се разбуди
копнеж,
во твојот свет осамен,
ќе остане само спомен.

И ќе заспие
во твоите бисери
како дете безгрижно
што спие мирно,
во срце разбрануван вулкан
ќе остане само спомен.

close

Впиши го твојот емаил ако сакаш да станеш дел од нашата блог заедница на читатели