Приспивна

 

Те повикувам во мислите,
секогаш пред да склопам очи
го гледам твојот лик
и се насмевнувам,
со надеж дека јас сум твоја
прва и последна мисла
кога ќе склопиш и отвориш очи.
Те милувам нежно во сонот,
небаре на јаве не можам,
и се прикрадувам
во твоја прегратка
држејќи те цврсто
за никогаш да не ми заминеш.
Го молам небото
со секој изминат миг
да всели спокој и мир
во нашите души,
и да се сретнеме
онаму кадe што треба,
онаму каде што припаѓаме.
Ја молам ноќта
да ми го покаже патот
кон ѕвездите
давајќи ми милион причини
за утре со насмев
да се разбудам!

close

Впиши го твојот емаил ако сакаш да станеш дел од нашата блог заедница на читатели