Записите за Џозефина (89)

large

Џозефина

Во собата со поглед кон море,
се криеја тајни кои само вљубените ги знаеја,
се криеја воздишки и безброј страсти,
макар и во замислената соба
која сигурно некаде постои
и ги чека нив двајца,
за тие да ја напишат нивната историја во неа,
и да го насочат погледот кон морето
кое сега беше мирно, а некогаш разбранувано.

Во собата со поглед кон море,
се криеја илјадници странци кои постануваа блиски,
се криеја приказни од нови спомени,
макар и биле болни
приказните постоеја
и чекаа да бидат раскажувани,
за да можат да бидат слушнати
и  да бидат прераскажувани
од поколение на поколение.

Во собата со поглед кон море,
се криеја височини кои чекаа да бидат дофатени,
се криеја далечини кои чекаа да бидат откриени,
макар и само на сон,
а штом се сонуваа,
можеа да бидат и јаве,
за да можат да станат реалност
и да бидат слатки вистини.

Во собата со поглед кон море,
лежеа двајца.

Во собата со поглед кон море,
се чувствуваше неопислив спокој.

close

Впиши го твојот емаил ако сакаш да станеш дел од нашата блог заедница на читатели