10 причини зошто е добро да посетувате литературни блогови!

Посетувањето на интернет портали од забавен и информативен карактер е популарно и било уште од самиот почеток на нивното постоење.
Сите поминуваме доста време пред нашите екрани прелистувајќи ги содржините на нашите веб – пребарувачи. Голем дел од тоа време покрај социјалните мрежи, токму веб сајтовите ни одземаат време. Тие пласираат најразлични содржини.
Кога се во прашање блоговите, тие изгледаат многу слично на една обична веб – страна, но сепак се поинакви.

Нема да се задржуваме на опишување на нивните разлики. Постојат повеќе категории на веб страни, како и различни видови блогови.

Во следниов текст ќе ги прочитате следните причини зошто треба да посетувате/читате литературни блогови.

Десет причини поради кои вреди да посетувате литературни блогови:

1. Се стекнувате со информации поврзани со литературата, културата, културните настани. Ги следите рецензиите кои авторите ги пишуваат. На овој начин имате можност да дознаете за содржината на книгата пред да ја купите.

2. Си наоѓате предлози за (нови) книги кои би сакале да ги прочитате или можеби ќе сретнете некоја која веќе ја имате прочитано па можете да споделите ваше мислење за тоа каков впечаток ви оставила.

3. Времето поминато во читање на содржините во никој случај не е бесполезно!

4. Учите нови работи поврзани со тоа што ве интересира кои можеби претходно не сте ги знаеле, доколку се објавувани.

5. Имате можност да читате туѓи текстови, да ги „оценувате“ нивните трудови, да оставите ваше мислење на тоа што ќе ве заинтересира доколку сметате дека треба да стои и тоа.man-791049_960_720

6. Имате можност да поставите секакво прашање поврзано со содржината (објавите). Ќе добиете одговор од авторите во најкраток можен рок, доколку прашањето вреди да биде одговорено.

7. Можете да прочитате многу убави мисли кои ќе ве инспирираат, ќе ви дадат идеја. Истите можеби ќе ве натераат да направите нешто кое одамна сте го посакувале, а не сте го правеле. И уште многу други позитивни инспирации и мудрости преку мисли кои ќе ги пронајдете низ содржините на еден квалитетен литературен блог.

8. Се стекнувате со можност да споредувате различни начини на изразување, да направите разлика помеѓу содржините на два различни блогови. Потоа одбирате неколку омилени и ги следите доколку нивните содржини ги задоволуваат вашите читателски страсти.

9. Се стекнувате со прилика да се запознаете со дел од „светот“ на авторот/авторите на блогот, и да ги дознаете нивните литературни преференции. Го читате нивниот став/критика, ги читате нивните дела и она што преостанува е да го споделите со останатите кои исто така би уживале читајќи го тоа што го споделувате/

Последна, но не најмалку важна

10. Не сте ограничени во поглед на тоа кој, чиј, и колку блогови ќе следите, дали тие ќе бидат домашни или странски. Вие имате целосна слобода и можност за избор. Ваша е одлуката да уживате во содржините кои ќе ги изберете!

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?