Рецитали

Скрши ја илузијата – Наталија Наумовска

Создадена од слики, мисли и сцени

очекувања и надежи милиони

треба да се скрши како стаклена чаша

празна од штотуку испиено црвено вино.

Затвара очи и уши

од усни немо зборува,

лажни невистини и вистински лаги,

таа проклета крадачка на реалноста.

Создадена од песни, спомени и ноти

во вид на безгласна музика

што пара уши до болка

таа, безобразна нестварна мелодија.

Грабливка на стварноста

некогаш толку посакувана,

кога е непоканета гостинка

затвори ѝ врата.

Викни птица грабливка

нека ја однесе далеку

и нека нè ја враќа,

нека се скрши на парчиња.

А, ти изгради нова објективност.

	

Similar Posts

Напишете коментар

Вашата адреса за е-пошта нема да биде објавена. Задолжителните полиња се означени со *

WP Twitter Auto Publish Powered By : XYZScripts.com
Крајбрежје