Литература Македонска поезија Поезија

Ангелите вечераат – Радован Павловски

I
Топлината на раскрсница
не одбира патишта
Таа ги пресоздава
На колена
две-три чинии вода
Збунуваат капки
и гласови од небото
Зобницата на гладот на клин
Окото на водата
и окото на пливачот
се среќаваат во полноќ.

II

Не се знае
дали живи
или воскреснати
ангелите вечераат.
Свеќа потрајна од сонцето запалиле
Вечерното сонце е сад
од кој земаат храна
Денот на работ од окото
веќе ја прескокнал
ноќта на телото
Ангелите се гладни.

Similar Posts

Напишете коментар

Вашата адреса за е-пошта нема да биде објавена. Задолжителните полиња се означени со *

WP Twitter Auto Publish Powered By : XYZScripts.com
Крајбрежје