За баба ми – Дијана Стојаноска

Чинам сношти беше

на сон ми дојде,

онаква каква што беше,

со шамија забрадена,

и тивко налик на тебе ми рече:

-Ти невеста чедо беше

а баба не те виде!

Чинам сношти беше

на сон или јаве и не знам веќе како беше

сакав да те гушнам и да ти кажам

-Јас бабо уште те сакам

Чинам како вчера да беше

во невестинска руба

невестинско оро поведов,

а баба не беше

Изгоре мерак се пеплоса!

Писаније не било

баба ми моја орото мое

свадбарско да го види!

Автор:
Дијана Стојаноска

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?