ХАЕМУС во соработка со Поетри Слем Македонија го отвори конкурсот за доставување на видео со слем поезија на тема „Сподели го твоето наследство“.
Настанот ќе се одвива онлајн на 18.04.2020.
-“Независно дали се работи за локалитети, пејзажи, практики (обичаи) или збирки (артефакти и/или уметност), со оваа тема е опфатено разновидното културно наследството и нашата колективна одговорност да го заштитиме, презентираме и да го пренесеме на следните поколенија неговото значење и неговата вредност. Ги поттикнуваме поетите и поетесите да го истражат она коешто ги инспирира од одредено културно наследство кое е од особена важност за нив лично или за местото каде живеат и да ја споделат нивната поезија со јавноста поттикувајќи дискусија и дијалог“, велат од ХАЕМУС.
Идејата за интерактивниот онлајн настан “Сподели го твоето наследство“ е инспирирана од овогодишната тема „Заеднички култури, заедничко наследство, заедничка одговорност“, повод „Меѓународниот ден на спомениците и локалитетите“ кој секоја година се одбележува на 18 април. Целта е преку употребата на алатките на новите медиуми да се подигне свесноста за културно наследство коешто нѐ отопкружува, за неговото значење и одговорноста која ја имаме како општество.
Блогирањето е важен дел од нејзиниот живот. Кафе, книги и музика ѝ се вечна љубов.