Детско катче Песни за деца

Да си дете – Ненад Џамбазов

Прекрасно е да си дете,
да го гушнеш сиот свет,
в чудна игра што се плете,
најмиризлив, шарен цвет.

Детето е бисер сјаен,
најскапото дома злато,
што со љубов неизмерна,
го сакаат мама, тато.

Детето е цвет што цвета,
топла љубов што го жари,
птица е што везден лета,
денот сончев што го пали.

Детето е сонце златно
домот роден што го грее,
детето е славеј личен,
што по цел ден песни пее.

Ненад Џамбазов

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје