Skip to content

Црница

Црница посака за последен дар

Да ја вкусиш пред твојот последен одар

Никој не ја знаеше твојата тајна

Но ти ја изусти толку спокојна

Никој не веруваше дека спокојот во твоите очи

Немир толку голем постојано точи.

Црна станала таа крв

Од љубовта невозвратена

Па си сакала црница да каснеш

Да вкусиш благодат

Дар од Боговите.

Која крвта ја чисти

И душата ја омирисува

Пред да влезе во духовната сфера

Зошто силата е во мирисите на спокојот

И љубовта е најсилна таму

Каде нема ни голема ни мала сила

Каде мирисот на сѐ што дише

Сѐ што се оплодува

Останува ист и се изедначува со воздухот

Со универзумот               

Каде сѐ почива.

Маја Дојчинова М.

Напишете коментар