Литература Македонска поезија Поезија

Пушкин – Никола Ј. Вапцаров

Ја споделуваме песната „Пушкин“ од македонскиот поет Никола Јонков Вапцаров кој бил вљубеник и чест рецитатор на неговата поезија.

Пушкин

Русија – Мрак.

Русија – Гнет.

Кинатица негибната в шир.

Вертеп.-

Жесток стивнат мир.

На север – тундри , ветришта,

На југ – бескрајни диви степи.

А времето не брза, се влечка,

Небаре бездомно

Куче

Старо.

Ти беше туѓ и непознат.

Тогаш, за твоите песни

Не знаеше припростиот народ.

Но, ете денес –

Задружниот труд

И задружниот човечки врвеж, се спогодија

И со таа општа светлина

Еден среќен живот родија.

Сега е друго. Ена на:

Еден работник,

Млад стругар,

За време на пладневниот одмор

Читаше во книгата поднасмевнат

И те осети како другар,

Те разбра бидејќи може

Да гледа ѕвездените убавици

На небоно јасно како гаснат

Како изутрина сонцето блешти

Преку подросената со искри

Пространа степа.

Тој има леб

И уште гордоста,

Дека таму – во фабричкиот трескот

Неговата мозелеста рака

Една епоха твори.

И нетревожен тој сфаќа

Кој во него песна створил.

Го сфаќа гневот на мазепа мрачен,

На ленски – пролетниот слад

Што одминал, пред цвеќињата

На песните да расцутат.

Ја разбира тој жестоката смрт своја

И таа суета гнила,

Што некаде длабоко ројак

Од пипки отровни испружила,

И го шмукала со страшна злоба,

Животот на еден поет,

Но, не успевајќи во својот пробив –

Си тргнал животот пак нанапред,

Ги урнал животот тие тесни

Ѕидови, а народот пак чуден бил

И во своите волшебни песни

И во својот живот се заљубил.

Девојка една од колхозот

Си сака морнар млад.

И така неволно и лесно

Ги пее таа своите песни.

И потоа подзапира.-

Златна шир Наоколу. И класови.

А устите ко алев мак

Расцутени и стануваат:

„Ах, колку радосно е да се живее

Сакан мој морнару млад.“

Тоа е таму.

Но, ете, денес –

Зошто ли? – не знам

Но, јас се учам

Секој свој протест да го пишувам

И многу искрено

И многу звучно.



Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје