И ајвар мора да има – Наум Попески

Есента е толку богата, што дури ни носи и ајварче да мачкаме лепче и никогаш не сме гладни!

Богата есен

Ни донесе есента

јаболка и круши,

грозје, жолти дуњи,

полни со витамини.

 

И црвени пиперки

компир, морков, гравче,

зелката за салата,

гравчето на тавче.

 

Сакам да ви кажам

и ова е битно:

амбарите полни се

од полето житно.

 

И ајвар мора да има

Покрај сите слатка

во тегли за зима,

за децата мора

и ајвар да има.

 

Тато купи пиперки

денес ќе ги пече.

Ќе правиме ајвар

тој така ми рече.

 

Ајварот е вкусен

со лепче се јаде,

намачкај две парчиња

веќе не си гладен.

close

Впиши го војот емаил ако сакаш да станеш дел од нашата блог заедница на читатели!