Што научив?! – Дијана Станчевска

Што научила Дијана во текот на нејзиниот живот? Таа со нас сподели една кратка листа, во која можеби ќе се пронајде и некој друг.

– Научив дека чистата совест е знак за лоша меморија.

– Од турските серии научив дека богатите се несреќни, а сиромашните уживаат.

– Колегите ти се далечни роднини кои мораш да ги гледаш секој ден.

– Научив дека ако цел ден пиеш само од една иста чаша, мајка ти ќе биде посреќна.

– Научив дека привезокот е наједноставниот начин да ги изгубиш сите клучеви наеднаш.

– Научив да се поплукам три пати секогаш кога ја кажувам причината за моето доцнење.

– Научив дека црната блуза предизвикува прскање со капачето од јогуртот.

– Научив дека броењето до 10 кога си нервозен е губење време во пцуењето кое следи.

– Научив дека мажењето предизвикува заборавање на грешките од минатото.

– Научив дека не треба да барам маж што ќе ме сака туку маж што ќе ме трпи.

– Научив дека треба да бидеш премногу храбар за да останеш да живееш во Македонија.

– Научив дека мажите кога не можат да ти  помогнат ќе ти сметаат, само за да учествуваат.

– Сфатив дека оние што Бог ќе ги спои, само Facebook може да ги раздвои.

– Сфатив дека откако ќе заврши кавгата ќе ми текне на уште 50 работи кои сум заборавила да ги кажам.

– Законот за цигарите се преведува како оправдано отсуство од работното место.

– За што служи Мажот е кажано само во една поговорка ,,Зошто го викаат магарето на свадба“.

– Научив дека клучот од кола секогаш се наоѓа таму каде што не го бараш.

– Научив дека твојот успех не е целосен ако тоа не го каже твојот комшија: Чича мича завршила прича.

Дијана Станчевска