Рамноденица

Денот и ноќта се порамнија со твоите прегратки

Црното стана бело, а белото сиво

Тешка е како олово ноќва

Но има една ѕвезда која сјае

И го нагостевува твоето доаѓање.

Нова надеж, ново утро,

Поубав свет.

 

Денот и ноќта се порамнија во твоите очи

Зеленото стана црно, а црното сино

Тежок е како судбина денов

Но има една ѕвезда која сјае

И го наговестува твоето јавување,

На полноќ, во црно синило

Во посветол свет.

 

Денот и ноќта се порамнија во твоите чекори

Брзиот стана бавен, бавниот стана спор

Тежок е чекорот на уморен коњаник

Но има една ѕвезда која сјае

И го разбранува тивкиот поток

Во одсјајот на твоето сонце.

 

Денот и ноќта се порамнија во твојот глас

Басот стана баритон, баритонот стана бас

Гласен е крикот во ноќта на напуштените,

Но има една ѕвезда која сјае

И знам дека ќе дојдеш, зошто ти си спасение,

Спасение за нас заборавените.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?