Часовникот што чука – Наталија Наумовска

Тик-так, тик-так се слуша

овој ѕиден часовник во дневна стои

се однесува исто како да има душа.

Ритмичен звук испушта тој,

жив ли е или само е механички спој?

 

На батерии работи и везден

стрелките ги поместува

тоа му е работа,

за времето да нè известува.

 

Тик-так, тик-так цело време чука

како да сака да каже: „И јас сум тука“!

Секој ден си работи по својата азбука.

 

Колку е часот се прашуваме ние,

Часовникот што чука одговорот го крие.

„Стигни на време, не доцни“, ни велат

сигурно времето со часовник ни го мерат.

 

Часовникот што чука е главна атракција,

интересна е неговата конструкција,

тој претставува вистинска инструкција

според која ги обликуваме денот и ноќта.

close

Впиши го војот емаил ако сакаш да станеш дел од нашата блог заедница на читатели!