Книжевен конкурс „Рукописи 44“

Домот на млади од Панчево го распишува 44-иот конкурс за Зборникот поезија и кратка проза од млади автори од просторите на поранешна Југославија – „Рукописи 44“.

Право на учество имаат автори помеѓу 15 и 30 години, кои пишуваат на екс-југословенските јазици и на јазиците на националните малцинства во Република Србија.

Конкурсот ќе биде отворен до 21 февруари 2021 година.

Правила за учество

На конкурсот може да се учествува со поезија и/или кратка проза.

Треба да се испратат: до 3 песни и/или раскази: песните не подолги од 2, а расказите не подолги од 3 а4 страници (до 7000 карактери, големина на фонтот 12). Да се потпишани со полно име и презиме, година на раѓање, адреса на живеење (државјанство ако авторот живее во странство), број на телефон и мејл.

Ги молиме авторите личните податоци да ги внесат и во „телото“ на мејлот и на почетокот на фајлот со текстовите, исто така песните/расказите да бидат во еден Word документ, да не се испраќаат компресирано (ZIP, RAR итн.) и без екстерни линкови. Најпосле, да ги почитуваат правописните правила.

Мејл-адресата на која треба се праќаат текстовите е: [email protected]

Домот на млади Панчево препорачува праќање текстови по електронска пошта, а со обична пошта само доколку авторите немаат можност поинаку да ги пратат текстовите. Во тој случај, адресата е: Dom omladine, Svetog Save 10, 26000 Pančevo, Srbija (со назнака „за Рукописе 44“).

Ги молиме авторите да ги почитуваат правилата на конкурсот и рокот за испраќање на текстовите! Текстовите што ќе стигнат по предвидениот рок нема да бидат разгледувани.

„Рукописи 44“ ќе излезе од печат на почетокот на мај оваа година, а во текот на мај планирана е и промоција во Панчево. Односно тридневен фестивал (доколку дозволат епидемиолошките мерки). На авторите од Босна и Херцеговина, Хрватска, Словенија, Македонија и Црна Гора што нема да имаат можност да дојдат на промоцијата на Зборникот примероци ќе им бидат испратени по пошта.

За дополнителни информации посетете ја страницава.

close

Впиши го војот емаил ако сакаш да станеш дел од нашата блог заедница на читатели!