Е-саем на кинески книги организиран од „Македоника Литера“

Од утре 12 до 16 февруари, друштвото за издавачка дејност „Македоника литера“, ќе одржи интернет-саем на кинески книги, изданија на „Македоника литера“. Поводот е прославување на Кинеската Нова година.

„Да ја прославиме Кинеската Нова Година! Издавачката куќа „Mакедоника литера” организира е-саем на кинески книги во периодот од 12 февруари до 16 февруари 2021 година. Нарачки може да се направат на нашата е-адреса [email protected], или пак на нашата фејсбук страница. Доставата е бесплатна за сума над 700 денари“, стои во соопштението.

Македоника литера ќе понуди и ќе претстави педесетина репрезентативни кинески книги од областа на кинеската култура, културна историја, класична филозофија, историја и белетристика. Досега ги има објавено најпознатите филозофски класици, а ја објавува и серијата „Клучните концепти во кинеската мисла и култура“, од која досега се публикувани шест тома. Ќе ги објави и деветте предвидени тома, по нивното публикување во Кина, кое треба за заврши оваа година.

За пристап до каталогот кликнете овде.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?