Косо – Тони Павлески

Патот што нè следи

се испружил по коса,

недоречена линија,

во агол стрмен

колку да се скрие

од видокругот туѓ

и да ѝ пркоси на диоптријата.

Коса магија

на не(постоењето)

никогаш исправена горе

или стрмоглаво долу,

оти може да нè однесе

гравитацијата во неповрат.

Косо и тивко,

колку да не забележи некој

пред својот нишан

и да нè следи

дури тој посака

да го испроба

своето ловечко око.

Тони Павлески

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?