Таму горе

Таму горе в небеса ширни,
кај што ѕвезди горат и мракот црни,
таму живот не прашува
што ли сакаат мравките на Земјата.

Таму горе низ планети – Богови и Божици,
нема место за конзервативни смртници.
Таму закон царува,
еден закон –  тој на љубовта.

И сѐ што возвишува е присутно,
и сѐ што гради притиска е непостоечко,
и чувство на омраза е отсутно,
и нема ништо проклето – човечко.

Таму горе е енергија,
атомите наши – на душата
чиј корен е само љубовта
и тоа е единствена – исконска вистина.

close

Впиши го војот емаил ако сакаш да станеш дел од нашата блог заедница на читатели!