Едно летно писмо

Донеси ми диви мириси летни,
обвиени во кошулите цветни што
секогаш ти ги крадев по навика,
додека во позадина свиреше Екс – Ју музика.

Донеси ми темјанушки виолетови
и бакнежи во образи
и спомени од минати животи.

Донеси ми мирот што не можев да го најдам во себе
ама секогаш го пронаоѓав во тебе.

Донеси живот и инспирација,
кулминација на целава наша приказна,
донеси ми мастило од небесата и зборови подарени од музата десетта.

Донеси ми сѐ што те прави тебе,
остави финти и фори излитени,
донеси се само себе.

close

Впиши го војот емаил ако сакаш да станеш дел од нашата блог заедница на читатели!