Биографија – Гане Тодоровски

Се родив
Тоа е совршен факт.
Живеам доста
Тоа е веќе непорекливо.

Кому му требам
Секој е должен сам да знае.

Пречам ли некому
Нека ме одмине.
Премногу е непожелно
Да бидам одбран за враг.

Вражја е живеачката,
А јас сум рековме нејзин факт.

Ќе умрам колку за доказ
Дека навистина сум живеел.

close

Впиши го твојот емаил ако сакаш да станеш дел од нашата блог заедница на читатели