Умствена дисторзија

Тивка вечер,
во тивок дом,
силуети гледам,
живот ли е ова или сон?

Низ мракот викотници,
живи луѓе или мртовци,
од саатот слушнат само ѕвон,
живот ли е ова или сон?

Трња излегуваат низ порите,
мириси на крв и тага од ноздрите,
умот со дваесет личности полн,
живот ли е ова или сон?

Низ црнина – светлина,
низ огледало одраз,
светка – пука силен гром,
страшен доказ,
сѐ е живот и сѐ е сон.

close

Впиши го твојот емаил ако сакаш да станеш дел од нашата блог заедница на читатели