Избор поезија: „Целиот живот“ од Рабиндранат Тагоре

Целиот живот со своите песни те барав тебе.
Од врата до врата ме водеа тие и само со нив го чувствував,
го спознавав и го допирав овој свет.
Сето она што го знам го научив од своите песни; тие ми открија
патеки таинствени и многу ѕвезди ми приближија
во видокругот на моето срце.
По цели дни ме водеа кон таинствата на земјата на радоста
и болот, и најпосле, пред портите на каква ли палата ме доведоа
во овој самрак, на крајот од патот мој?

close

Впиши го војот емаил ако сакаш да станеш дел од нашата блог заедница на читатели!