Различна – Радован Павловски

Ти не биди долга до недоглед
да не можам да те видам да те чујам
ниту кратка
до невид сета
биди да битисуваш
до каде што ќе стигнеш
да се шириш
биди да бидисуваш
а не да се варосуваш
витосуваш
ти не биди тесно грло
туку длабока и висока
далечна и блиска планина
време во своја куќа
со песна различна.

close

Впиши го твојот емаил ако сакаш да станеш дел од нашата блог заедница на читатели