Една птица во кафезот
го сонува бескрајот –
против заборавот.
Една риба во аквариумот
го изговара морето –
против заборавот.
Еден отсутен цвет
пупи во споменот –
против заборавот.
Една искра во каменот
го осветлува името на мртвите –
против заборавот.
Под мечот на џелатот
Јин и Јанг се бакнуваат –
против заборавот.
Еден човек пее
на бреговите на Лета –
против заборавот
и гласот на таа Песна се тркала
со ритамот на ѕвездите –
против заборавот.
Неискажливо (2008)
Блогирањето е важен дел од нејзиниот живот. Кафе, книги и музика ѝ се вечна љубов.