Поезија за деца: „Шумски чадорчиња“ од Васил Пујовски

Денеска, како избор за најмалите ја имаме песната со наслов „Шумски чадорчиња“ од македонскиот драмски писател, поет за деца и возрасни, Васил Пујовски. Песната е малечка, составена од само три строфи, лесна и интересна. Во неа поетот ги опишува шумските чадорчиња, а какви се тие и кој со нив се служи, прочитајте подолу.

Шумата е преполна со чадорчиња
под нив во невреме
штурчињата се кријат.

Шумата е преполна со чадорчиња
под нив бубалките
здивнуваат,
спијат.

Шумата е преполна со чадорчиња:
печурки секакви,
разни,
во дождот под нив скриени
мравките слушаат
дождовни сказни.

Анастасија Лефкоска

Вечен вљубеник во хаосот, сопствената инспирација и сѐ она што површински не може да се види.