Единствената разлика помеѓу
Тебе и мене
Освен тоа што си ти женско
А јас
Ти
Освен тоа што си
Ти во право
А јас виновен
Освен тоа
Што ти мислиш
Дека некаде одиш
А јас знам дека
Во место стојам
Освен тоа што тебе
Стравот те изеде
А јас премногу стравови
Бројам
Единствената разлика помеѓу
Тебе и мене
Освен тоа што си ти
Ладна
(Јас горам)
Освен тоа што си ти
За празнина гладна
А јас до крај ќе те
Изморам
Освен тоа што јас сум
Мек како лепче
А ти тврда проја
Освен тоа што
Јас сум твој
А ти не си
Моја
Единствената разлика помеѓу
Тебе и мене
Значи
Е тоа што мене
Поради тебе
Под нозеве земјата ми бега
Не сопира
А тебе ни тревата
Не те заскокотка
Ни бумбарче не те
Допира
Единствената разлика
Е тоа
Што јас сè уште ги прашувам сните
Зошто ли ти мене еднаш
Ми кажа
Те љубам
И дали зборовиве на твојот
Јазик далечен
Значат нешто
Милно
И зошто животот си оди
А јас
Те љубам сè посилно.
април 2023
Српска современа поезија
Препев: Татјана Маженковска
За авторот: Владимир Д. Јанковиќ е српски поет, есеист, раскажувач и книжевен преведувач, роден на 16 октомври 1968 година во Белград. Автор е на над 800 песни, есеи и кратки раскази објавени во печатените медиуми и на интернет. Има објавено пет збирки поезија („Песни“, „Дрскост“, „Одбрана на Данајците“, „Даг“ и „Света Јелена“) и збирка раскази и есеи („Белград за упатени“).
Има преведено над 300 книжевни дела од англиски и француски на српски јазик, од кои повеќе од 120 романи, помеѓу кои и дела на Мишел Уелбек, Фредерик Бегбеде, Амели Нотомб, Леила Слимани, Џ. Р. Р. Толкин, Т. Корагесан Бојл, Ијан Макјуан, Хилари Мантел, Ен Енрајт, Жан-Мишел Генасија, Ерик Фоторино.
Добитник е на најреномираните награди за книжевен превод кои се доделуваат во Србија: „Бранко Јелиќ“ и „Милош Н. Ѓурић“, као и Наградата на градот Белград „Деспот Стефан Лазаревиќ“ за областа на књижевноста и преводното творештво. Од јануари 2018 година е потпретседател на Друштвото на книжевни преведувачи на Србија. Живее и работи во Белград.
Блогирањето е важен дел од нејзиниот живот. Кафе, книги и музика ѝ се вечна љубов.