Мисли за слободата кажани од големите умови низ историјата

Низ многу цивилизациски периоди слободата била различно дефинирана. Право на слобода секогаш немале сите, а статус на слободен односно неслободен човек не можел да се бира туку бил даден по раѓањето. Со текот на времето сфаќањето за слободата се променило, а сега таа една од гаранциите на современите општества. Слободата не е безусловна, ние сме слободни сè додека не прекршиме некој од законите на општеството и државата во која живееме.

Слободата се изразува со слобода на говор, избор, слободни мисли и движење, а кога тоа ни е одземено, дури тогаш сфаќаме колку е таа драгоцена.

Прочитајте што имале да кажат за неа големите умови, научници и уметници низ историјата.

„Тајната на слободата лежи во храброста“. – Перикле

„Верувам дека секој има право да живее како што сака, сè додека не ги повредува другите“. – Џо Намат

„Подобро да се умре борејќи се за слобода отколку да се робува цел живот“. – Боб Марли

„Никаде не постои едноставен пат до слободата, и многумина од нас мораат да пројдат повеќе пати низ долината на смртта за да го достигнат врвот на нашите желби“. – Нелсон Мендела

„Парите нема да створат успех туку создавањето слобода“. – Нелсон Мендела

„Не сум јас ослободител. Ослободители не постојат. Луѓето самите се ослободуваат“. – Че Гевара

„Слободата не е ништо друго туку шанса да бидеш подобар“. – Албер Ками

„Од слободниот човек не можеш да направиш роб бидејќи слободниот човек е слободен и во затвор“. – Платон

„Човекот станува слободен со својата одлука, отпор и неприфаќање“. – Меша Селимовиќ

„Парите коишто човекот ги има се оружје за слободата. Парите за кои човекот трча се оружје за робија“. – Жан Жак Русо

„Слободата е можност за живеење по желба“. – Цицерон

„Сите им се покоруваме на законите за да бидеме слободни“. – Цицерон

„Слободата не е вредна ако не вклучува и слобода да се греши“. – Махатма Ганди

„Тајната на среќата е слободата. А тајната на слободата е храброста“. – Тукидид

„На човекот сè може да му се одземе освен последното од човечката слобода – право на избор во ставот и во било какви дадени околности, право на избор на сопствениот пат“. – Виктор Франкл

„Оној кој преовладува со свои стравови ќе биде вистински слободен“. – Аристотел

„Слободата на човекот не е во тоа да може да го прави она што сака туку во тоа да не мора да го прави она што не го сака“. – Жан Жак Русо

„Мене ми е подрага опасната слобода отколку мирното и сигурното ропство“. – Жан Жак Русо

„Слободни сте ако совеста ви е чиста“. – Гете

„Не е доволно само да се живее! – рекла пеперутката. Потребно е да се има малку сонце, малку слобода и малку цвеќе! – Ханс Кристијан Андересен

„Ако слободата нешто значи тогаш значи право на луѓето да им се каже она што не сакаат да го чујат“. – Џорџ Орвел

Прочитајте ги и следниве мисли за човекот и љубовта од Рабиндранат Тагоре.