Во чест на роденденот на големиот македонски поет Никола Маџиров споделуваме негова песна. Уживајте!
Денови кога треба да се биде сам
Вистина е дека градот
изникна како последица на лага
неопходна за луѓето,
саксиите и питомите животни.
(така се снабдувам со
потребните оправдувања)
Вистина е дека сите луѓе
излегуваат од зградите
(чиниш земјотрес)
и со вазна во рацете
одат кон ливадите.
Се враќаат трипати потажни
со прашина во дланките
и неколку шумови
како дупки во сеќавањето.
Потоа
пак заедничка тишина.
Вљубеник во книжевноста кој верува во светлината на зборот и на љубовта.