Љубовта е силна

Поцврста и од најјаката карпа
поголема и од највисоката планина,
кого ли љубиш?
Колку љубов имаш во себе?
Можеш ли да ја забележиш љубовта околу тебе?
Ќе ја најдеш во најблискиот парк, на улица покрај старото дрво, во продавница и во зоолошка, в училишна клупа или во автобус, неа ја има насекаде. 
И кога мајката го држи детето за рака,
и кога таткото го прегрнува своето најмило, 
кога бабата и дедото му раскажуваат на својо внук приказни од нивното минато,
кога учителката ги внесува децата во светот на науката,
и кога ТОЈ и ТАА се движат прегрнати. 
Ќе ја забележиш и во очите на оној кој пролејува солза на некое збогување, 
ќе ја сретнеш и во детските очи кога радосно се смеат.

Љуби за да бидеш љубен.
Зошто полно е она срце кое е исполнето со љубов.
Љуби од чисто задоволство.
Зошто задоволен е оној кој прима и дава љубов.
Љуби зошто си човек.
Во твојата природа е да живееш со љубовта.
Љуби и насмевни се.
Зошто заљубената насмевка е најубава. 

close

Впиши го твојот емаил ако сакаш да станеш дел од нашата блог заедница на читатели