Среќен е тој што ѝ го прати чекорот
и неговиот чекор е следен од нејзиниот,
среќен е тој што ѝ го чува грбот
и што ги вади ножевите од него.
Нема посреќна девојка од неа,
истовремено и потажна,
нема посилна девојка од неа,
истовремено и најслаба.
Среќен е тој што ги бакнува нејзините усни
и знае за нивниот вкус,
среќен е тој што ја гледа како спие
и ја заспива со насмевка.
Нема никоја како неа,
и како неа никоја,
нити ќе живее,
нити ќе умре.
Блогирањето е важен дел од нејзиниот живот. Кафе, книги и музика ѝ се вечна љубов.