Сакаме да ве известиме и официјално дека нашиот блог е номиниран во категорија најдобар блог за 2018 година.
Вчера соопштивме на официјалната страница на блогот, а денес ја објавуваме информацијата и преку објава за да биде попрегледно.
пишува на официјалниот сајт
Изборот на Сајт на Годината е проект кој има за цел да ги промовира, развива и поддржува интернет медиумите и севкупното интернет издаваштво во Македонија. Сајт на Годината ги адресира сите прашања поврзани со електронскиот медиум и простор во Македонија. Мисијата на оваа манифестација е да го подигне нивото на електронскиот медиумски простор во Македонија преку препознавање и наградување на најдобрите остварувања од разни области на електронското издаваштво и развој на интернет културата во Македонија.
Ние сакаме дополнително да соопштиме дека до вчера не знаевме дека блогот е номиниран и многу ни е драго што читателите повторно го потврдија позитивниот фидбек и нивната верност како наши редовни посетители на кои сакаме да им изразиме огромна благодарност.
Каков и да биде исходот од гласањето ние ќе продолжиме да ја остваруваме нашата „мисија“ и да го збогатуваме „интернет просторот“ со нешто поразлично.
Доколку сметате дека Крајбрежје на ДВА спортивни света заслужува да ја носи титулата „најдобар блог за 2018 година“, слободно гласајте за него и придонесете со вашето учество.
На странава: http://sajtnagodinata.mk/ ги имате сите информации подетално.
Уште еднаш од мене и од името на малиот тим ви се заблагодаруваме за номинацијата и вашата поддршка!
Блогирањето е важен дел од нејзиниот живот. Кафе, книги и музика ѝ се вечна љубов.